BBVA 6 nis më herët: Dalin emrat e parë të konkurretëve për sezonin e ri

Pavarësisht se “Big Brother VIP Albania 5” tashmë ka përfunduar, bisedat rreth asaj çfarë do të ndodhë në edicionin pasardhës kanë nisur prej kohësh.

Në hapësirën mediatike dhe në rrjetet sociale kanë filluar të qarkullojnë thashetheme lidhur me banorët e ardhshëm të sezonit të gjashtë, megjithatë Top Channel nuk ka bërë asnjë deklaratë zyrtare për këtë çështje.

Duke pasur parasysh se gjatë pesë edicioneve të kaluara janë bërë pjesë e shtëpisë mbi 170 konkurrentë nga fusha të ndryshme si muzika, televizioni, sporti, modelingu dhe bota e rrjeteve sociale, gjasat janë që këtë herë produksioni të kërkojë fytyra të reja që nuk e kanë provuar më parë këtë eksperiencë.

Strategjia e përzgjedhjes së viteve të fundit dëshmon se fama në rrjetet sociale nuk është kriteri i vetëm; përparësi kanë personat që zotërojnë aftësi të mira komunikimi dhe që janë në gjendje të krijojnë dinamika tërheqëse brenda ritmit intensiv të një reality show.

Duke marrë parasysh këto profile dhe emrat që kanë qarkulluar shpesh, disa prej kandidatëve të mundshëm janë: 1. Visjan Ukcenaj, i cili sjell përvojën e tij si aktor dhe moderator në radio e televizion.

2. Young Zerka, i cili në të kaluarën ka konfirmuar se ka pasur bisedime për t’u bërë pjesë e formatit.

3. Robert Aliaj Dragot, një profil mjaft i komentuar për sinqeritetin dhe qëndrimet e tij të prera.

4. Sara Hoxha, e cila gëzon një ndjekje të gjerë në rrjetet sociale.

5. Hilda Kërtalli, e afirmuar përmes krijimit të përmbajtjeve në Instagram dhe TikTok.

6. Renee Reffo, artiste dhe krijuese dixhitale me një ndikim të konsiderueshëm.

7. Meriton Rama, i njohur për videot e tij humoristike që kanë regjistruar miliona klikime në TikTok.

8. Eugent Bushpepa, një zë mjaft i dashur i muzikës shqiptare, pjesëmarrja e të cilit varet nga angazhimet artistike.

9.

Ina Pashollari, e cila vjen nga fusha e radios.

Kjo listë përbëhet thjesht nga emra që përputhen me kërkesat e formatit dhe që janë përmendur në kohë të ndryshme nga publiku.

Sidoqoftë, produksioni mban gjithmonë një qëndrim mjaft të rezervuar deri në momentin e publikimit zyrtar, ndaj nuk përjashtohet mundësia që në shtëpi të hyjnë edhe personazhe për të cilët media ende nuk ka raportuar.