Tr*gjedia e 24-vjeçarit: Aks*denti fatal në Korçë-Maliq

Të nesërmen, do të mbahet ceremonia e fundit për të riun që humbi jetën pas një aksidenti tragjik, i ndodhur në orët e para të të mërkurës, në rrugën Korçë-Maliq.

Sipas burimeve nga Newsbomb.al, një djalë 24-vjeçar, Olti Pishtari, është identifikuar si viktimë e këtij aksidenti. Ceremonia mortore për të do të zhvillohet mesditën e nesërme.

Njoftimi për ceremoninë mortore është bërë publik:

Siç u raportua edhe mëngjesin e sotëm, aksidenti i rëndë ndodhi kur automjeti “Benz” në të cilin udhëtonte viktima, devijoi nga një rrugë rurale për t’u bashkuar me aksin kryesor, ku më pas u godit nga pas nga një automjet “Audi”.

Pas goditjes së fortë, “Benz”-i përfundoi në një kanal anësor, duke pësuar shkatërrim të plotë e fatkeqësisht, i mori jetën të riut.

Drejtuesi i automjetit “Audi”, Kristi Cenolli, dhe një pasagjer që ndodhej me të, gjithashtu janë dëmtuar në aksident. Të dy janë dërguar në Spitalin Rajonal të Korçës për trajtim, dhe fatmirësisht, janë jashtë rrezikut për jetën.

Një nga aspektet që po shqyrtohen për të sqaruar ngjarjen është shpejtësia e automjetit “Audi”, megjithatë, shkaku i saktë i aksidentit do të përcaktohet pas përfundimit të hetimeve.